fbpx
NEWS

ఏపీలో సెంటు స్థలంలో నిర్మించే ఇళ్లు ఇవే ప్లాన్ బావుంది.

సెంటు స్థలంలో నిర్మించే ఇంటి నమూనాను సిద్ధం చేసింది. ఓ చోట ఇంటిని నిర్మించారు.. హాల్ బెడ్‌రూమ్, కిచెన్‌, బాత్రూమ్‌తో ఇల్లు చూడ ముచ్చటగా ఉంది. ఇంటి నమూనాలకు సంబంధించిన ఫోటోలను విడుదల చేశారు. ఏపీ ప్రభుత్వం పేదలకు ఇళ్ల పట్టాల పంపిణీని ప్రతిష్టాత్మకంగా తీసుకుంది. ఆగస్టు 15న పట్టాలను లబ్దిదారులకు అందజేయాలని నిర్ణయించింది. ప్రతిపక్షాలు కోర్టుల్లో కేసులు వేయడంతో పాటూ కరోనా ప్రభావంతో ఇప్పటికే నాలుగుసార్లు పంపిణీ వాయిదా పడింది. ఎన్ని అడ్డంకులు ఎదురైనా ఈసారి మాత్రం కచ్చితంగా పట్టాలు ఇచ్చి తీరుతామంటున్నారు మంత్రులు. అయితే పేదలకు ఇచ్చే స్థలంలో ఇంటి నిర్మాణానికి సంబంధించి ప్రభుత్వం ముందడుగు వేసింది.

 

సెంటు స్థలంలో నిర్మించే ఇంటి నమూనాను సిద్ధం చేసింది. ఓ చోట ఇంటిని నిర్మించారు.. హాల్ బెడ్‌రూమ్, కిచెన్‌, బాత్రూమ్‌తో ఇల్లు చూడ ముచ్చటగా ఉంది. ఇంటి నమూనాలకు సంబంధించిన ఫోటోలను విడుదల చేశారు. ఈ నమూనాలను ఫైనల్ చేసి త్వరలోనే ఇంటి నిర్మాణాలు చేపట్టేందుకు ప్రభుత్వం సిద్ధమవుతున్నట్లు తెలుస్తోంది. సెంటు స్థలంలో ఇళ్లు ఎలా నిర్మిస్తారని ప్రతిపక్షాల నుంచి విమర్శలు వస్తుండటంతో నమూనాలను సిద్ధం చేసింది.

ప్రభుత్వం రాష్ట్రవ్యాప్తంగా 30 లక్షలమంది పేదలకు ఇళ్లు పంపిణీ చేయాలని నిర్ణయించింది. ప్రభుత్వం ఏర్పాటై ఏడాదికాకముందే పంపిణీ చేయాలనుకుంది. ముందు సంక్రాంతి కానుకగా ఇవ్వాలని భావించారు.. తర్వాత అనివార్య కారణాలతో అంబేద్కర్ జయంతి రోజుకు వాయిదా వేశారు.. తర్వాత స్థానిక సంస్థల ఎన్నికలు వచ్చాయి.. తర్వాత మళ్లీ కరోనా, లాక్‌డౌన్ దెబ్బకు ఆగిపోయాయి. తర్వాత లాక్‌డౌన్ ఎత్తేయడంతో ఇప్పుడు వైఎస్ జయంతి రోజు ఇవ్వాలనుకున్నారు.. కానీ కరోనా కేసులు పెరుగుతుండటంతో ప్రభుత్వం మళ్లీ వాయిదా వేశారు.